مليــش دعــــوة - قصة قصيرة

(هــو)..

- بُصي لنفسك فى المرايا.. الحاجات الوحشة كترت فيكِ قوي..

(هـي)..

- صدقني أنا مش وحشة كده..!!

(هــو)..

- خلاص مش عايزك..
مبقيتـش لاقي فيكِ حاجة حلوة من بتوع زمان ..

(هـي)..

- الحاجات الحلوة لسه موجودة.. لكن ماتت من قلة الحيــــاة..

(هــو)..

- ماتت!!!!!!

(هـي)..
- أيوه ماتت.. كل يوم حاجة وحشة تدوس على حاجة حلوة..
وتخنقها بإيدين الناس والأحزان والزمن.. لحد ما كلها اتخنقت.. وماتت..

(هــو)..
- لازم ترجعي كل حاجة حلــوة فيكِ..

(هـي)..
- مبقاش ينفع.. أنتَ اتأخرت قووووووي..

(هــو)..
- مليش دعـوة.. لو بتحبيني هترجعيهــا.. عشاني..

(هـي)..
- صــح..

(هــو)..
- هو إيه إللي صــح؟؟؟؟

(هـي)..

- أنتَ صح.. أنتَ فعلاً ملكش دعــوة.. لأنه مبقاش يهمك..
لو كنت لسه أهمك.. كنت عرفت أنتَ ترجعها..
ترجع كل حاجة كانت جوايا حلوة.. وراحت معاك..

(هــو)..
- أنتِ كده فهماني يعني؟!!!!!!

(هـي)..
- لأ أنا كده شايفــاك.. ولأول مرة أشوفـك صـح..

(هــو)..
- قصـدك إيــه؟؟؟؟؟

(هـي)..
- قصدي إنك لـو بتحبني.. كنت هتقـدر ترجعني..
كنت هتقدر تصحي كل إحسـاس مات جوايـا..
وترجع مشاعـري للحيــاة من تاني.. كنت هترجعهـا عشاني أنـا..
عشان أقدر أفرح.. أضحك.. أعيـش.. أو على الأقـل.. أبتسم..
لكن أنتَ عايزني لما أعيش.. أعيش عشانـك..
عايز مشاعـري الحلـوة ترجع برجوعـك أنتَ بس..
يبقى أنـا أرجعهــا ليييييـه وإزاااااااااااي..!!!!!!
وأنا عارفة يا حبيبي إنـك في النهايـة..
وأنتَ ماشـي..
هتاخـد كل حاجـــة تاني معــاك..!!!!
يبقى أنا كمـان هقـولهـا لك..
"مليــش دعــــــوة"

تمت

❤ ❤ ❤

#مليش_دعوة

#قصة_قصيرة

للكاتبــة

#ميسون_سرور✍

(في انتظار تعليقاتكم وأتمنى إعجابكم)


للتعليق على القصة من هنا

👇